Big Sur Marathon бол үзэсгэлэнт байгальтай дэлхийн хамгийн алдартай марафонуудын нэг.
Iron Horse Run Club-ийн залуус 2027 оны Big Sur Marathon-ы сугалаанд бүртгүүлсэн. Энэ Марафонд хамт оролцож, мартагдашгүй дурсамж бүтээхийг хүссэн хүн бүрийг сугалаанд оролцохыг урьж байна.
Сугалаа 2026.09.02-нд хаагдана.
Товч мэдээлэл
Марафон
2027.04.25
Ням гараг
Сугалаа
2026.08.19 — 09.02
Бүртгэлийн хугацаа
Хариу
2026.09.08
Сонгон шалгаруулалт
Зам
Зам Big Sur-аас эхэлж, Highway 1-ээр Carmel хүрнэ. Далайн эрэг, уул, Bixby Bridge-ээр дайрна.
Замын урт 26.2 миль (42.2 км). Нийт өгсөлт 2,182 фут (665 метр). Барианы хугацаа 6 цаг.
Яагаад оролцох вэ?
Big Sur Marathon-ыг олон хүн дараах шалтгаанаар сонгодог.
Давтагдашгүй зам. Highway 1-ээр Big Sur-аас Carmel хүртэл гүйж, далай, улаан мод, уулс болон Bixby Bridge-ийг үзнэ.
Бодит сорилт. Өгсүүр, уруудуур замтай тул хүч, тэсвэр, хурдаа зөв хуваарилах чадварыг шалгана.
Том хамт олон. Марафонд ойролцоогоор 4,500 гүйгч оролцож, уралдааны амралтын өдрүүдэд 2,500 гаруй сайн дурын ажилтан тусалдаг.
Онцгой уур амьсгал. Bixby Bridge дээр төгөлдөр хуурын амьд хөгжим сонсон гүйдэг нь энэ марафоны таних тэмдэг болсон.
Орон нутагт өгөөжтэй. Бүртгэлийн орлого нь уралдааныг зохион байгуулахын зэрэгцээ орон нутгийн 90 гаруй байгууллага болон хүүхдийн фитнесийн хөтөлбөрүүдийг дэмждэг.
Хамтын дурсамж. Нэг зорилгын төлөө клубээрээ бэлтгэж, хүнд замыг хамт туулах нь үр дүнгээс илүү үнэ цэнтэй туршлага болдог.
2027 оны сугалаа
| Мэдээлэл | Огноо, нөхцөл |
|---|---|
| Уралдаан | 2027 оны 4-р сарын 25 |
| Сугалаа нээгдэх | 2026 оны 8-р сарын 19 |
| Сугалаа хаагдах | 2026 оны 9-р сарын 2, 23:59 PT |
| Хариу гарах | 2026 оны 9-р сарын 8 |
| Сонгогдсон оролцогчийн төлбөр | $325 + боловсруулах шимтгэл |
Сугалаанд орох үнэгүй. Картын мэдээлэл шаардлагатай. Сонгогдвол $325 + шимтгэл авна. Сонгогдоогүй бол төлбөргүй.
Анхаарах нь
Сонгогдсоны дараа төлбөр буцаахгүй.
Бүртгүүлэхээс өмнө
Үнэ ба төлбөр
Сугалаанд хүсэлт гаргахад төлбөргүй. Сонгогдвол одоогийн суурь үнэ $325 дээр шимтгэл нэмэгдэнэ. Үнэ өөрчлөгдөж болох тул албан ёсны бүртгэлийн хуудаснаас эцсийн үнийг шалгана уу. Guilee.mn нь бүртгэл болон холбогдох зардлын асуудлыг хариуцахгүй.
Нислэг, буудал, хоол болон бусад аяллын зардал бүртгэлийн үнэд орохгүй. Уралдаан зочид буудал, замын зардлын тусламж олгодоггүй.
6 цагийн босго
Замыг 6 цагийн дотор дуусгана. 15.2 дахь мильд 10:30, 21.2 дахь мильд 11:50-аас өмнө хүрэх шаардлагатай. Хоцорвол уралдааныг зогсоож, бариа руу унаагаар хүргэнэ.
Шалгах зүйлс
- Та 16 нас хүрсэн, эрүүл, марафонд бэлтгэгдсэн үү?
- Өгсүүр зам болон урт гүйлтийн бэлтгэл хийх хугацаа бий юу?
- Эцсийн үнэ, шимтгэлийг албан ёсны бүртгэлийн хуудаснаас шалгасан уу? Үнэ өөрчлөгдөж болно. Guilee.mn нь зардлын асуудлыг хариуцахгүй.
- Сонгогдсоны дараа бүртгэл буцаагдахгүй, өөр хүнд шилжихгүйг зөвшөөрөх үү?
Видео
Дараагийн алхам
Хэрэв та эсвэл манай клубийн залуус сугалаанд сонгогдвол хамтдаа бэлтгэл хийнэ. Урт гүйлт, өгсүүр замын бэлтгэлд бидэнтэй нэгдээрэй.
Хамт бэлтгэл хийхийг хүсвэл Iron Horse Run Club-тэй холбогдоорой.
Анхааруулга
Энэ нийтлэл нь ерөнхий мэдээлэл бөгөөд эмнэлгийн, санхүүгийн эсвэл мэргэжлийн зөвлөгөө биш. Огноо, үнэ, дүрэм өөрчлөгдөж болно. Бүртгүүлэхээс өмнө албан ёсны марафоны хуудас-наас мэдээллээ шалгаж, эрүүл мэндийн асуудалтай бол эмчтэй зөвлөлдөнө үү. Guilee.mn болон Iron Horse Run Club нь энэхүү нийтлэлд тулгуурласан шийдвэрээс үүсэх эрүүл мэндийн асуудал, гэмтэл, төлбөр, аялал эсвэл бусад зардлыг хариуцахгүй.
